დეკრეტიდან ხელოვნური ინტელექტის ეპოქამდე – ამარტივებს თუ არა ხელოვნური ინტელექტი პროფესიულ ადაპტაციას
დეკრეტიდან ხელოვნური ინტელექტის ეპოქამდე – ამარტივებს თუ არა ხელოვნური ინტელექტი პროფესიულ ადაპტაციას
საბაზრო მოთხოვნები და სამუშაო გარემო სწრაფად იცვლება, რის გამოც პროფესიონალებისთვის სულ უფრო მნიშვნელოვანი ხდება ახალი უნარების შეძენა. სწორედ ამ გამოწვევას ასახავს ელექტროინჟინრისა და Hellenic Cables-ის Supply & Demand Planning Manager-ის, კატერინას ისტორია.
დეკრეტული შვებულების პერიოდში მან გადაწყვიტა, დრო პროფესიული განვითარებისთვის დაეთმო და ხელოვნური ინტელექტის შესწავლა დაეწყო. ამისთვის მონაწილეობა მიიღო Microsoft-ის უფასო სასწავლო პროგრამაში AI Skills 4 Women, სადაც გაეცნო თანამედროვე AI-ინსტრუმენტებს, მათ შორის Microsoft Copilot-ს.
კატერინას თქმით, მისი მიზანი იყო, ტექნოლოგიური ცვლილებების მხოლოდ დამკვირვებელი არ ყოფილიყო. ტრენინგის დასრულების შემდეგ დარწმუნდა, რომ ხელოვნური ინტელექტი ადამიანის შემცვლელი კი არა, მისი დამხმარე ინსტრუმენტია, რომელიც ამარტივებს ინფორმაციის მოძიებას, სამუშაო პროცესების ორგანიზებასა და სხვადასხვა ამოცანის შესრულებას.
საერთაშორისო კვლევები ადასტურებს, რომ თანამშრომლები, რომლებიც მუდმივად ცდილობენ ცოდნის გაღრმავებას და უნარების განვითარებას, უფრო კონკურენტუნარიანები არიან, უკეთეს ანაზღაურებას იღებენ და კარიერული წინსვლის მეტი შესაძლებლობა აქვთ. Stanford-ის კვლევის მიხედვით, LinkedIn-ზე პროფესიული მიკროსერტიფიკატების (micro-credentials) მქონე ადამიანებს ახალი სამსახურის პოვნის დაახლოებით 6%-ით მეტი შანსი აქვთ. ამასთან, LinkedIn Workplace Learning Report 2025-ის თანახმად, კომპანიები სულ უფრო მეტად გადადიან უნარებზე დაფუძნებულ შერჩევის სისტემაზე (skills-based hiring), რადგან ბევრი დამსაქმებელი კვალიფიციური კადრების დეფიციტს აღნიშნავს.
ხელოვნური ინტელექტის ეპოქაში პროფესიული უსაფრთხოებისა და წარმატების საფუძველი არა მხოლოდ უკვე არსებული ცოდნა, არამედ ცვლილებებთან ადაპტაციისა და მუდმივი სწავლის უნარია.
