დონალდ ტრამპისა და ილონ მასკის ურთიერთობა განხეთქილებაში გადაიზარდა
დონალდ ტრამპისა და ილონ მასკის ურთიერთობა განხეთქილებაში გადაიზარდა
აშშ-ს პრეზიდენტ დონალდ ტრამპსა და მილიარდერ ბიზნესმენ ილონ მასკს შორის ერთ დროს მეტად მჭიდრო ურთიერთობა ბოლო დღეების განმავლობაში მწვავე განხეთქილებაში გადაიზარდა – ამის ერთ-ერთი მიზეზი ტრამპის მიერ მხარდაჭერილი “დიდი, ლამაზი” კანონპროექტია, რომელიც საგადასახადო და საბიუჯეტო რეფორმებს მოიცავს.
SpaceX-ისა და Tesla-ს აღმასრულებელ დირექტორსა და აშშ-ს პრეზიდენტს შორის საჯარო კონფლიქტი 3 ივნისს დაიწყო, როდესაც მასკმა X-ზე ტრამპის კანონპროექტი გააკრიტიკა და მას “გულისამრევი საშინელება” უწოდა.
“ეს უზარმაზარი, აღმაშფოთებელი, ხარჯებით გავსებული კონგრესის კანონპროექტი გულისამრევი საშინელებაა. სირცხვილი მათ, ვინც ამას მხარი დაუჭირა: თქვენ იცით, რომ არასწორად მოიქეცით. იცით ეს”. – წერს ილონ მასკი.
