ევია:დაკავებულია პოლიციელი რომელსაც პატიმარი გაექცა
ევია:დაკავებულია პოლიციელი რომელსაც პატიმარი გაექცა
ბატონივით დატოვა პოლიციის განყოფილება ოჯახური ძალადობისთვის დაკავებულმა პირმა. დაკავებულის გაქცევისთვის პასუხისგება კი იმ პოლიციეს მოუწია, რომელსაც მასზე მეთვალყურეობა ჰქონდა დავალებული. მიუხედავად იმისა, რომ სამართალდამცავმა ორგანოებმა გაქცეული მაშინვე დააკავეს, მასზე მეთვალყურე პოლიციელს “უყურადღებობა” ძვირად დაუჯდა.
ყველაფერი პარასკევს, გვიან ღამით დაიწყო, როცა ერთი ქალბატონი პოლიციის შენობაში ჩენების მისაცემად შევიდა. მან განაცხადა, რომ მისი მეუღლე მასზე ფიზიკურად ძალადობდა. პოლიციამ მამაკაცი მალევე დააკავა და განყოფილებაში გადაიყვანა. დაკავებულმა მოიმიზეზა, რომ უნდა დაერეკა თავის ადვოკატთან და მაშინ როცა მეთვალყურე პოლიციელებს ოდნავ მოშორდა განყოფილებიდან გაიქცა.
სამართალდამცავმა ორგანოებმა მისი დაკავება მხოლოდ რამდენიმე საათის შემდეგ შეძლეს, თუმცა დაკავებულთან ერთად ახლა ის პოლიციელიც დაკავებულია, რომელსაც ბრალად საქმის უგულებელყოფა ედება.
