ელეონას ბაზარში ნაქურდალ ნივთებს ყიდიან

ელეონას ბაზარში ნაქურდალ ნივთებს ყიდიან

მეტროსადგური ელეონას ვიწრო ქუჩებში ყოველ კვირა დღეს დიდი ბაზარი იშლება, სადაც, როგორც აღმოჩნდა, ნაქურდალ ნივთებს ყიდიან.

აღია ანნას ქუჩაზე გაშლილ დახლებზე ყველანაირ პროდუქტს შეხვდებით, რომელთა უმეტესობაც გაურკვეველი და საეჭვო წარმომავლობის არის. 

ბაზარში შეხვდებით ყველაფერს, ტანსაცმლიდან დაწყებული ელ.მოწყობილობებით დამთავრებული, რომელთა ფასებიც 50 ცენტიდან 30 ევრომდე მერყეობს. 

არცერთ ნივთს არ მოჰყვება შეფუთვა, რაც პოლიციას აძლევს იმის ვარაუდის უფლებას, რომ ნივთები მოპარულია. 

ათენის ვიცე მერი, თომას ღეორღიადისი აცხადებს: “აღნიშნული უკანონოდ გაშლილი ბაზარი წარმოადგენს უდიდეს პრობლემას ჩვენი მუნიციპალიტეტისთვის. სწორედ ამიტომ მივიღეთ გადაწყვეტილება ჩატარდეს მუდმივი კონტროლი აღნიშნულ პერიმეტრზე.”