ელვის სისწრაფით გამოგვეცალა ხელიდან – აცხადებს 54 წლის ქალის შვილი, რომელიც მენინგიტით გარდაიცვალა
ელვის სისწრაფით გამოგვეცალა ხელიდან – აცხადებს 54 წლის ქალის შვილი, რომელიც მენინგიტით გარდაიცვალა
ადგილობრივი მოსახლეობის შეშფოთება გამოიწვია მენინგიტის შედეგად გამოწვეული სიკვდილიანობის უკვე მეორე შემთხვევამ დასავლეთ საბერძნეთში. 54 წლის ქალი პირღოსიდან ელვის სისწრაფით გამოეცალა ექიმებს ხელიდან.
ქალს მენინგიტის იმავე შტამი ჰქონდა, რომელმაც ახალგაზრდა სტუდენტის სიცოცხლე იმსხვერპლა პატრაში.
“ჯარიდან დავბრუნდი, ათენში ვმსახურობ. პარასკევს ჩამოვედი პირღოსში, ჩავეხუტე დედას და მოვიკითე. ყველაფერი კარგად იყო, არანაირი სიმპტომი არ აღენიშნებოდა. ერთი საათი გავიდა და ციება დაეწყო. ძილში აკანკალებდა, საწოლში ბრუნავდა, ვერ ისვენებდა. ეტყობოდა რომ არ იყო კარგად. საპირფარეშომდე მისვლაში მამა დაეხმარა. ვეღარ ლაპარაკობდა. მაშინვე წავიყვანეთ საავადმყოფოში. მთელ სხეულზე სილურჯეები ჰქონდა. საავადმყოფოში გვითხრეს რომ მენინგიტი დაუდგინდა და სულ რაღაც 8 საათში გამოგვეცალა კიდეც ხელიდან. მოულოდნელად დაგვატყდა უბედურება თავს. ექიმმა დაგვირეკა და გვითანაგრძნო დანაკარგი.” – აცხადებს გარდაცვლილის შვილი.
