ვარკიზა: პოლიციამ 8 არასრულწლოვანი დააკავა

ვარკიზა: პოლიციამ 8 არასრულწლოვანი დააკავა

კვირას ღამით ვარჯიზაში არასრულწლოვნებს შორის ატეხილი ჩხუბის შედეგად 4 მათგანი მძიმედ დაშავდა.

უფრო კონკრეტულად კი საღამოს 7 საათზე არასრულწლოვანთა 2 ჯგუფს შორის, რომელთა წევრებიც საბერძნეთიდან, ალბანეთიდან, ბულგარეთიდან და პაკისტანიდან იყვნენ, პოსიდონოსის გამზირზე სიტყვიერი შელაპარაკება ჩხუბში გადაიზარდა.

ჩხუბის მიზეზი, როგორც დადგინდა, გოგონაა.

4 დაშავებულიდან ორს ბასრი იარაღით აქვს მიყენებული ჭრილობები, ხოლო ორს კი მსუბუქი სხეულის დაზიანებები აღენიშნება.

დაკავებულების წინააღმდეგ საქმე სხეულის განზრახ მძიმე დაზიანებების მიყენებისა და უკანონოდ იარაღის ტარების მუხლით აღიძრა.