ვიდეო კადრები: მამამ შვილი ნაგავში გადააგდო

ვიდეო კადრები: მამამ შვილი ნაგავში გადააგდო

protothema.gr ავრცელებს ვიდეო კადრებს, რომლებშიც ნათლად ჩანს, როგორ აგდებს მამა ჩვილ ბავშვს ნაგავში.

შემთხვევა ვრავრონაში მოხდა.

ვიდეოში დაფიქსირებული მამაკაცი ნეპალიდან არის, მას ხელში ორი პარკი უჭირავს. ამ ორი პარკიდან ერთ-ერთში კი გარდაცვლილი ჩვილის ცხედარი აქვს მოთავსებული. მამაკაცი მიემართება ნაგვის ყუთებისკენ რათა პარკები გადააგდოს.

ჩვილის მამა პარასკევს დააკავა პოლიციამ. განყოფილებაში მან აღიარა, რომ ნამდვილად გადააგდო ბავშვი ნაგავში, მაგრამ შვილი მას არ მოუკლავს. პოლიციას მან განუმარტა, რომ მეუღლეს მშობიარობა ნაადრევად დაეწყო და ბავშვი მკვდარი დაიბადა. 

თუმცა პოლიციის მიერ მოპოვებული ინფორმაციის თანახმად დაკავებულის მეუღლე ორსულობის მე-5 თვეში იმყოფებოდა და ბავშვიც ცოცხალი დაიბადა. ორსული ქალი ხუთშაბათს ღამით საავადმყოფო “Αλεξάνδρα”-შიც იმყოფებოდა. იგი საავადმყოფოში სისხლდენით მივიდა და ექიმებმა მას უთხრეს, რომ ორსულად იყო, თუმცა ვერ შეძლეს დაედგინათ ორსულობა გრძელდებოდა ჩვეულ რეჟიმში, თუ მუცელი ეშლებოდა. 

დაკავებულის მეუღლე საავადმყოფოში არ დარჩენილა. იგი იმ ღამესვე დაბრუნდა სასტუმროში, სადაც მის მეუღლესთან ერთად ცხოვრობდა.

პოლიციამ სასტუმროს ნომრის ჩხრეკისას აღმოაჩინა სისხლი ყველა ოთახში, ზეწრებსა და აბაზანაში. ჩვილი ბავშვის სხეული კი ნაგავსაყრელზე იყოვეს. 

დაკავებულის წინააღმდეგ აღძრულია საქმე სიცოცხლის მოსპობის მუხლით.