Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

ვინ არის ავღანეთის მოქალაქე, რომელსაც ბრალად ბრიტანეთის მოქალაქის მკვლელობა ედება

ვინ არის ავღანეთის მოქალაქე, რომელსაც ბრალად ბრიტანეთის მოქალაქის მკვლელობა ედება

38 წლის ბრიტანეთის მოქალაქის, ელიზაბეთ ჯეინ როსის მკვლელობისთვის დაკავებული სარიფ ახმანძაი ამერიკის მოქალაქის, ალეინა ჰოლის მეუღლეა. ამერიკის მოქალაქის ოჯახისწევრებმა ჟურნალისტებთან საუბრისას განაცხადეს, რომ სარიფ ახმანძაი საბერძნეთში 2016 წელს ჩამოვიდა, მიიღო ქრისტიანობა და შემდეგ იქორწინა ალეინა ჰოლზე. იმ პერიოდისთვის ალეინა საბერძნეთში მოხალისედ იყო ჩამოსული.

“პირადად არასდროს შევხვედრივარ, მხოლოდ შორიდან, დაუსწრებლად ვიცნობდი. თუმცა შემიძლია თამამად ვთქვა, რომ ჩემს ძმა და რძალი არასდროს ემხრობოდნენ მათ ქორწინებას.” – განაცხადა ალეინა ჰოლის დეიდამ.

გავრცელებული ინფორამციის თანახმად წყვილს 1 შვილი ჰყავს. საბერძნეთის მუდმივი მაცხოვრებლები არიან და დაფუძნებული აქვთ ქრისტიანული ორგანიზაცია “Love Every Nation Athens”, რომელიც იძულებით გადაადგილებული პირების დასახმარებლად ფუნქციონირებს. ელიზაბეთ ჯეინ როსი ასევე თანამშრომლობდა ქრისტიანულ და ადამიანების უფლებების დაცვის ორგანიზაციებთან და სწორედ ასე გაიცნო წყვილიც. სახლი, სადაც ელიზაბეთ ჯეინ როსი ცხოვრობდა სწორედ ამ ორგანიზაციის საკუთრება იყო და რამდენადაც გამოძიებისთვის ცნობილია სახლის გასაღები ჰქონდა როგორც ბრალდებულს ასევე მის მეუღლესაც.

ელიზაბეთ ჯეინ როსის ცხედარი მისი გაუჩინარებიდან 3 დღის შემდეგ, 18 ივლისს იპოვეს ჩემოდანში, რომელიც კიფსელზე მიტოვებულ შენობაში იყო დატოვებული.

გამოძიებისთვის მთავარი წყარო იყო დაცვის კამერების ჩანაწერები, სადაც ნათლად ჩანს თუ როგორ მიემართება კიფსელისკენ ბრალდებული ჩემოდნით ხელში.

პოლიციის ყურადღება ბრალდებულმა მას შემდეგ მიიპყრო, რაც ბრალდებულის მეუღლემ განყოფილებაში დარეკა და პოლიციის თანამშრომლებს მისი საეჭვო ქმედებების შესახებ უამბო. კერძოდ, 15 ივლისს მობილური აპლიკაციით დააფიქსირა, რომ მისი მეუღლე ელიზაბეთ ჯეინ როსის სახლში იმყოფებოდა.

თავის მხრივ ბრალდებულმა დაკითხვაზე განაცხადა, რომ ქალი უგონო მდგომარეობაში სააბაზანოში იპოვა. ის აცხადებს, რომ ქალის მკვლელობაში ბრალი არ მიუძღვის, თუმცა აღიარებს, რომ მისი საბანკო ანგარიშიდან ფული მან მიითვისა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *