ვონიცა: ავტოსაგზაო შემთხვევის შედეგად 8 თვის ბავშვი დაშავდა
ვონიცა: ავტოსაგზაო შემთხვევის შედეგად 8 თვის ბავშვი დაშავდა
ავტოსაგზაო შემთხვევის შედეგად, რომელიც კვირას საღამოს 17:00 საათზე პალეროს-ვონიცას გზაზე დაფიქსირდა, 8 თვის ბავშვი დაშავდა.
sinidisi.gr-ის მიერ გავრცელებული ინფორმაციის თანახმად ავტომანქანა, რომლითაც წყვილი აღრინიოდან ბავშვთან ერთად გადაადგილდებოდა, მათგკენ საპირისპირო მიმართულებით მომავალ ფურგონს შეეჯახა. მიუხედავად იმისა, რომ ჩვილი კანონით გათვალისწინებული ყველა უსაფრთხოების ზომის დაცვით ჰყავდათ ბავშვის სავარძელში ჩასმული, თავის არეში მაინც დაშავდა. დედას დაზიანებები სახის არეში აქვს მიყენებული. მსუბუქი დაზიანებები აქვთ მიყენებული ბავშვის მამას და ფურგონის მძღოლსაც.
სასწრაფო დახამრების ბრიგადამ დაშავებულები საავადმყოფოში გადაიყვანა. ექიმები აცხადებენ, რომ პაციენტების სიცოცხლეს საფრთხე არ ემუქრება, შესაბამისად ისინი მალევე გაწერეს საავადმყოფოდან.
ალკოტესტმა აჩვენა, რომ ფურგონის მძღოლი იმყოფებოდა ალკოჰოლური ნივთიერების ზეგავლენის ქვეშ. მძღოლი პოლიციის განყოფილებაში, დროებითი დაკავების საკანში განათავსეს.
