ზახარო: ავტოსაგზაო შემთხვევას 2 პირის სიცოცხლე ემსხვერპლა

ზახარო: ავტოსაგზაო შემთხვევას 2 პირის სიცოცხლე ემსხვერპლა

66 წლის მილია ღრივამ და 80 წლის ღიორღოს მისიხრონისმა ტრაგიკულად დაასრულეს სიცოცხლე ოთხშაბათს საღამოს პატრა-პირღოსის ეროვნულ გზატკეცილზე მომხდარი ავტოსაგზაო შემთხვევის შედეგად.

იმავე ავტოსაგზაო შემთხვევის შედეგად მძიმედ დაშავდა 66 წლის მილიას მეუღლეც, რომელიც პატრას საუნივერსიტეტო კლინიკაში გადის მკურნალობას.

გავრცელებული ინფორმაციის თანახმად, მანქანა, რომელშიც სამი მგზავრი იმყოფებოდა, მიემართებოდა პირღოსკენ, როცა შეეჯახა პატრასკენ მიმავალ სატვირთო მანქანას.

შეჯახება იმდენად ძლიერი იყო, რომ მანქანა მთლიანად დაიშალა და ერთიან რკინის მასად იქცა.

შემთხვევის ადგილზე სახანძრო-სამაშველო ბრიგადა გამოცხადდა მანქანიდან გამომწყვდეული მგზავრების გადმოსაყვანად.

პატრა-პირღოსის ორივე ნაკადში შეწყვეტილია მანქანების გადაადგილება, რათა მოხდეს ადგილის მანქანის ნაწილებისგან გაწმენდა.