თანოს პლევრისმა ჩარლი კირკის მკვლელობასთან დაკავშირებით კომენტარი გააკეთა
თანოს პლევრისმა ჩარლი კირკის მკვლელობასთან დაკავშირებით კომენტარი გააკეთა
ტელემაუწყებელ ΣΚΑΙ-ზე საემიგრაციო პოლიტიკაზე საუბრის პარალელურად ემიგრაციის მინისტრმა, თანოს პლევრისმა, კონსერვატორი აქტივისტის, ჩარლი კირკის მკვლელობის ფაქტზე ისაუბრა და მწუხარება და თანადგომა გამოხატა პირდაპირ ეთერში ჩარლის ოჯახის წევრების მიმართ: “ეს არის მიზნად ამოღება ერთ-ერთი ყველაზე სამაგალითო ამერიკელი კონსერვატორის, მემარჯვენისა და ქრისტიანის. ტერორიზმი, განურჩევლად იმისა, თუ საიდან მოდის, აუცილებლად უნდა იყოს დაგმობილი და სამაგალითოდ დასჯადი.”
შეგახსენებთ, რომ ერთ-ერთი ყველაზე ცნობილი კონსერვატორი აქტივისტი ამერიკის შეერთებულ შტატებში და ტრამპის გულმხურვალე მხარდამჭერი ჩარლი კირკი 10 სექტემბერს იუტა ველის უნივერსიტეტში სტუდენტებთან შეხვედრისას მოკლეს.
ამერიკის პრეზიდენტმა მკვლელობაზე პასუხისმგებლობა „რადიკალ მემარცხენეებს“ დააკისრა, თუმცა მკვლელობაში ბრალდებული ამ დრომდე არც დაკავებულია და არც მისი ვინაობაა ცნობილი.
ჩარლის მიკროფონით ხელში ლაპარაკი 20 წუთის დაწყებულიც არ ჰქონდა, როცა ესროლეს. ტყვია ყელში მოხვდა. რამდენიმე საათის შემდეგ დონალდ ტრამპმა Truth Social-ზე დაწერა, რომ „ლეგენდარული ჩარლი კირკი გარდაიცვალა“.
