თესალონიკში ხანძრისგან დაშავებული ქალი და მეხანძრე საავადმყოფოში გადაიყვანეს
თესალონიკში ხანძრისგან დაშავებული ქალი და მეხანძრე საავადმყოფოში გადაიყვანეს
კვირას გამთენიისას სტავრუპოლში ხანძარი გაჩნდა.
გავრცელებულ ინფორმაციაზე დაყრდნობით, ხანძარი გამთენიის სამი საათისკენ გაჩნდა ედესის ქუჩაზე მდებარე საცხოვრებელი კორპუსის მესამე სართულზე. ხანძარი, გამოძიებისთვის ამ დრომდე დაუდგენელი მიზეზის გამო, სამზარეულოდან დაიწყო.
შემთხვევის ადგილზე 12 მეხანძრე, 5 სახანძრო მანქანით მუშაობდა. ხანძრის გამო იმდენად დიდი კვამლი ავარდა მთელ კორპუსში, რომ შენობის მაცხოვრებლები იძულებულები გახდნენ საცხოვრებელი ბინები დაეტოვებინათ.
გავრცელებული ინფორმაციის თანახმად, 12-დან ერთ-ერთი მეხანძრე დაშავდა და მიიღო სხეულის დამწვრობები. იგი 424-ე სამხედრო საავადმყოფოში გადაიყვანეს სამედიცინო დახმარების აღმოსაჩენად. ხოლო ქალბატონს, ვის ბინაშიც ხანძარი გაჩნდა, დამწვრობები აღენიშნება ხელზე და სახეზე და გადაყვანილია ახეპა-ს საავადმყოფოში.
