თვითმფრინავის იძულებითი დაშვება ათენში – მგზავრმა განაცხადა, რომ ცოლი მოკლა
გერმანელი მამაკაცი, რომელიც ამტკიცებდა, რომ ცოლი მოკლა, ათენის “ელეფთერიოს ვენიზელოს” აეროპორტში უსაფრთხოების დარღვევისა და მოძრაობის შეფერხების ბრალდებით დააკავეს .
მგზავრმა მამაკაცმა შტუდგარდიდან ეგვიპტის მიმართულებით რეისზე, შაბათს ნაშუადღევს, ორჯერ მშვიდი ხმით უთხრა ეკიპაჟის წევრებს, რომ მან ცოლი მოკლა გერმანიაში. ეს გაიგეს რეისის მგზავრებმაც, რამაც არეულობა გამოიწვია.
მომხდარის შესახებ პოლიციას ეკიპაჟის წევრებმა აცნობეს და თვითმფრინავმა ათენში ავარიული დაშვება განახორციელა.
კაცმა აეროპორტის პოლიციას უთხრა, რომ მისი ნათქვამი ტყუილია და ხუმრობს, თუმცა ყოველი შემთხვევისთვის პოლიციამ ინტერპოლს დახმარება სთხოვა, რათა გაერკვია, მართლა ცოცხალია თუ არა გერმანელის ყოფილი პარტნიორი.
მამაკაცი საბოლოოდ შაბათს ღამით აეროპორტში დააკავეს .
მისმა საქციელმა გამოიწვია მოძრაობის შეფერხება იძულებითი დაშვების გამო, რამაც ფრენა ერთი საათით გადადო.
