კავალაში გაჩენილი ხანძრის ჩასაქრობად მეხანძრეები მთელი ღამე იბრძოდნენ 

კავალაში გაჩენილი ხანძრის ჩასაქრობად მეხანძრეები მთელი ღამე იბრძოდნენ 

ხუთშაბათს შუადღის 12:30 საათზე გაჩენილი ხანძარი ავღოსში ამ დრომდე მძვინვარებს. 

ცეცხლი ამ 2 დღის განმავლობაში დიდ ტერიტორიას მოედო. პარასკევს კი სოფელ მესოროპის დასახლებამდეც მიაღწია, თუმცა მეხანძრეების თავდაუზოგავი შრომის შედეგად ხანძარი ადგილობრივი მოსახლეობისთვის საფრთხეს არ წარმოადგენს.

სახანძრო სამსახურის მიერ გავრცელებული ინფორმაციის თანახმად საჰაერო ძალებმა მუშაობა მზის ამოსვლის თანავე განაგრძეს, ხოლო სახმელეთო ძალები კი მთელი ღამის განმავლობაში მუშაობდნენ.

ხანძრის ჩასაქრობად ამ დროისთვის 130 მეხანძრე 23 სახანძრო მანქანით, 10 ფეხითმოსიარულე გუნდი მუშაობს.

სახანძრო სამსახურს ხანძრის გაკონტროლება უჭირთ გამომდინარე იქიდან, რომ ცეცხლი მიუდგომელ ადგილებში მძვინვარებს.