კარპენისში დათვი სკებს ეწვია სავახშმოდ

კარპენისში დათვი სკებს ეწვია სავახშმოდ

კარპენისთან ახლოს, სამხრეთ აღმოსავლეთ ევრიტანიაში მაცხოვრებელი მეფუტკრეების აღშფოთება გამოიწვია დამტვრეული სკების ხილვამ, რომლებიც ღამით დათვებმა გაანადგურეს.

evrytanika.gr-ის მიერ გავრცელებული ინფორმაციის თანახმად დათვმა არამხოლოდ დაამტვრია სკები, არამედ ზოგიერთი მათგანი 300 მეტრის მოშორებითაც კი გადაიტანა.

მეფუტკრეები შიშობენ, რომ ეს არ არის მხოლოდ ერთი დათვის ნახელავი და ივარაუდება, რომ ადგილზე 3-4 დათვი მაინც იყო ჩამოსული თაფლის საჭმელად. 

სამწუხარო რეალობაა, რომ მსგავსი შემთხვევა პირველად არ ფიქსირდება. უფრო და უფრო მეტი ცხოველი ჩამოდის ტყიდან დასახლებული ტერიტორიებისკენ, რადგან მათთვის ბუნებრივ გარემოში საჭმელს ვეღარ ინადირებენ. 

მუნიციპალიტეტის აღმოსავლეთ ნაწილში ეს უკვე მე-3 შემთხვევაა, როცა დათვებმა სკები გაანადგურეს.