კასტორია: ავტოსაგზაო შემთხვევამ 16 წლის ბიჭისა და გოგონას სიცოცხლე იმსხვერპლა
კასტორია: ავტოსაგზაო შემთხვევამ 16 წლის ბიჭისა და გოგონას სიცოცხლე იმსხვერპლა
კასტორია-ამინდეუს მუნიციპალურ გზაზე მომხდარმა ავტოსაგზაო შემთხვევამ 16 წლის ბიჭისა და გოგონას სიცოცხლე იმსხვერპლა.
უბედური შემთხვევა დილის 06:00 საათზე მოხდა, ავტომობილი, რომლითაც ახალგაზრდები გადაადგილდებოდნენ, გზის სავალი ნაწილიდან გადავარდა და მიწის ნაკვეთზე ამოტრიალდა.
ავარიის გამომწვევი მიზეზი ამ დრომდე უცნობია გამოძიებიეთვის, თუმცა ასფალტს ეტყობა მუხრუჭის კვალი. ივარაუდება, რომ 16 წლის ბიჭმა სცადა მანქანის გაჩერება საბედისწერო შეჯახებამდე.
ახალგაზრდების ავტომანქანიდან გადმოსაყვანად 5 მეხანძრის ჩარევა გახდა საჭირო.
სამწუხაროდ ორივე ახალგაზრდა შემთხვევის ადგილზევე, სასწრაფო დახმარების ბრიგადის მისვლამდე გარდაიცვალა.
გავრცელებული ინფორმაციის თანახმად არასრულწლოვნებს მშობლები გასული ღამიდან ეძებდნენ. ჯერ-ჯერობით უცნობია თუ როგორ შეძლეს მანქანის გასაღებისა და მანქანის მოპარვა ისე, რომ ზრდასრულების ყურადღება არ მიიპყრეს.
