კირიაკოს მიცოტაკის: და რატომაც არა ემილი საბერძნეთში?! 

კირიაკოს მიცოტაკის: და რატომაც არა ემილი საბერძნეთში?! 

ეს არ არის პირველი შემთხვევა, როცა საბერძნეთის პრემიერ-მინისტრი ცნობილი სერიალის Emily in Paris-ის მიმართ განსაკუთრებულ ინტერესს გამოხატავს. 

ტელემაუწყებელ Alpha-ზე საუბრისას კირიაკოს მიცოტაკისმა  Emily in Paris-ის ახალი სეზონის საბერძნეთში გადაღების შესაძლებლობა ღიად დატოვა და განაცხადა, რომ ეს ქვეყანაში მსხვილი საერთაშორისო მწარმოებლების მოზიდვას შეუწყობს ხელს.

პრემიერ-მინისტრმა კიდევ ერთხელ გაუსვა ხაზი, რომ თავისუფალ დროს აღნიშნული სერიალის ყურებით ირთობს თავს: “ემილი პარიზში და რატომ არა ემილი ათენში?! რა იცით.. იქნებ სერიალის მე-6 სეზონი სწორედ საბერძნეთში გადაიღონ. ეს ყველაფერი შემთხვევით არ ხდება, ჩვენც მცირე წვლილი შეგვაქვს, ან ფინანსური წახალისებით, ანდაც პირადი ურთიერთობებით, რადგან გვსურს, საერთაშორისო პლატფორმებზე ვნახოთ მეტი ბერძნული ან საერთაშორისო სერიალი, რომელიც საბერძნეთს გაუწევს რეკლამირებას.”