ლარისა: ავტოსაგზაო შემთხვევამ 2 ადამიანის სიცოცხლე იმსხვერპლა
ლარისა: ავტოსაგზაო შემთხვევამ 2 ადამიანის სიცოცხლე იმსხვერპლა
შემზარავი ავარია მოხდა ლარისა-აღიას გზაზე, რომელმაც 2 ადამიანის სიცოცხლე იმსხვერპლა.
larissanet-ისა და onlarissa-ს მიერ გავრცელებული ინფორმაციის თანახმად გამოძიებისთვის ამ დრომდე დაუდგენელ მიზეზთა გამო ერთმანეთს 4 მანქანა შეეჯახა: ფურგონი, 2 ავტომანქანა და სასოფლო-სამეურნეო მანქანა (ე.წ ტრაქტორი).
ძლიერი შეჯახების შედეგად სასოფლო-სამეურნეო მანქანა უფორმო მასად იქცა, ხოლო ერთ-ერთი ავტომანქანა გზიდან გადავარდა და გზის გვერდით მდებარე მიწის ნაკვეთზე ამოტრიალდა.
გავრცელებული ინფორმაციის თანახმად ერთ-ერთი გარდაცვლილი 35 წლის ნიკოს კოლოვოსია, ხოლო მეორე კი 65 წლის კაცია, რომლის ვინაობაც ამ დრომდე უცნობია. ავარიის შედეგად 3 ადამიანი მძიმედ დაშავდა, ხოლო დაშავებულთაგან ერთ-ერთი 55 წლის მამაკაცი ლარისას საუნივერსიტეტო კლინიკაშია მოთავსებული და ექიმების განცხადების თანახმად მისი ჯანმრთელობის მდგომარეობა კრიტიკულია.
