ლარისა: საავადმყოფოში შესამოწმებლად მისულ 5 და 6 წლის ბავშვებს სხეულის არეში დამწვრობები აღმოაჩნდათ – პოლიციამ დააკავა არასრულწლოვნების დედა
ლარისა: საავადმყოფოში შესამოწმებლად მისულ 5 და 6 წლის ბავშვებს სხეულის არეში დამწვრობები აღმოაჩნდათ – პოლიციამ დააკავა არასრულწლოვნების დედა
თრილერის სიუჟეტს ჰგავს ლარისას გენერალურ საავადმყოფოში დაფიქსირებული შემთხვევა.
პოლიციამ 32 წლის ქალი მას შემდეგ დააკავა, რაც მის მიერ საავადმყოფოში მიყვანილი შვილების სხეულებზე ექიმებმა სიგარეტით მიყენებული დამწვრობები აღმოაჩინეს.
ბრალდებულმა მისი 6 წლის გოგონა ჯანმრთელობის პრობლემით გასასინჯად მიიყვანა გენერალური საავადმყოფოს პედიატრიულ განყოფილებაში. ექიმებმა გოგონას სამედიცინო დათვალიერების დროს სხეულზე დამწვრობები აღმოაჩინეს, რომელიც სიგარეტით ჰქონდა მიყენებული და აღნიშნული ფაქტის დაფიქსირების შემდეგ საჭიროდ ჩათვალეს გოგონას 5 წლის ძმის სხეულის დათვალიერებაც, რომელსაც ასევე მსგავსი ტიპის დამწვრობები აღენიშებოდა.
პოლიციამ ბავშების დედა ოჯახური ძალადობის და არასრულწლოვნების ჯანმრთელობისთვის საფრთხისშემცველ ვითარებაში ჩაგდების ბრალდებით დააკავა.
არასრულწლოვნები საავადმყოფოში გადიან მკურნალობას და დაგეგმილია მათი დაკითხვა ბავშვთა ფსიქოლოგის თანდასწრებით.
