მაკის ვორიდისი საემიგრაციო პოლიტიკის გამკაცრებას გეგმავს
მაკის ვორიდისი საემიგრაციო პოლიტიკის გამკაცრებას გეგმავს
საბერძნეთის ემიგრაციისა და პოლიტიკური თავშესაფრის მინისტრი არ ერიდება რადიკალურ განცხადებების გაკეთებას და აქტიურად წარადგენს სხვადასხვა კანონპროექტს პარლამენტში საემიგრაციო პოლიტიკის გასამკაცრებლად საბერძნეთის ტერიტორიაზე.
ამჯერად გადაცემა «Ημερολόγιο»-ში განაცხადა, რომ უკვე წააყენა ინიციატივა განსაკუთრებული წესით ე.წ. “7 წლიანი” ბინადრობის მოწმობის კატეგორიის გაუქმებასთან დაკავშირებით. აღნიშნული კანონპროექტის მოსმენა საბერძნეთის პარლამენტში ივნისის ბოლოს არის დაგეგმილი. კანონპროექტს დეპუტატები მისცემენ ხმას და იმ შემთხვევაში თუ მაკის ვორიდისის ინიციატივას დეპუტატების უმეტესობა დაუჭერს მხარს გადაიგზავნება საბერძნეთის პრეზიდენტთან ხელმოსაწერად, რომელსაც 1 თვის ვადა აქვს იმისთვის, რომ დაადასტუროს კანონპროექტის კანონიერება და გამოაქვეყნოს ის, რათა ძალაში შევიდეს. მხოლოდ ამ პროცედურების შემდეგ არის შესაძლებელი “7 წლიანი” კატეგორიის გაუქმება. ხოლო თუ ვერ მოაგროვებს აღნიშნული ინიციატივა საკმარისი ხმების რაოდენობას კანონი დარჩება ძალაში და უცხო ქვეყნის მოქალაქეები, რომლებიც 7 წლის განმავლობაში იმყოფებიან საბერძნეთის ტერიტორიაზე ჩვეულ რეჟიმში შეძლებენ განაცხადის გაკეთებას.
