მამა დიმიტრიოსი: მართლმადიდებელი ბერი, რომელიც ბრიტანეთის ჯაშუში იყო

მამა დიმიტრიოსის, იგივე დევიდ ბალფურის ისტორია, რომელიც როგორც აღმოჩნდა  ბრიტანეთის ჯაშუში იყო მეორე მსოფლიო ომის წინა საბერძნეთში,  მომხიბლავი, მაგრამ შედარებით ნაკლებად ცნობილი ისტორიაა თანამედროვე საბერძნეთის ისტორიაში.

მამა დიმიტრიოსი,  ბერი ანგელოზის ხმით, დაიბადა 1903 წლის 20 იანვარს მდიდარ ბრიტანულ ოჯახში.

სწავლობდა პრაღის, ზალცბურგის, რომის და მოგვიანებით ათენის უნივერსიტეტებში. იყო ნამდვილი პოლიგლოტი, საუბრობდა ინგლისურ, ფრანგულ, იტალიურ, გერმანულ, რუსულ, პოლონურ და ბერძნულ ენებზე, მოგვიანებით კი სწავლობდა თურქულს.

ის იყო შესანიშნავი ახალგაზრდა ბრიტანეთისთვის საიდუმლო სამსახურში გასაწვევად.

კათოლიკე ბალფური, აღმოჩნდა, რომ მოხიბლული იყო მართლმადიდებლური ეკლესიით. მართლმადიდებლობისადმი ინტერესის დასაკმაყოფილებლად იგი 1932 წელს ათონზე მდებარე წმინდა პანტელეიმონის რუსულ მონასტერში გაემგზავრა.

მისმა იქ ყოფნამ და ბერი სოფრონის (ნამდვილი გვარი სახაროვი) დიდმა გავლენამ აიძულა იგი დაეტოვებინა კათოლიციზმი და გახდა მართლმადიდებელი.

შემდეგ ბალფური შეუერთდა მოსკოვის საპატრიარქოს და აკურთხეს მღვდლად, მამა დემეტრეს სახელით, პარიზის სამი იერარქის ეკლესიაში. 1934 წელს იგი გაგზავნეს ლონდონში ინგლისელ მართლმადიდებელთა ჯგუფთან დასაკავშირებლად, სადაც მართლმადიდებლური მრევლის დაარსების წარუმატებელი მცდელობა ჰქონდა.

ახალგაზრდა მღვდელი 1935 წელს დაბრუნდა ათონის მთაზე და იპოვა საცხოვრებელი პენტელის მონასტერში, სადაც ჩაირიცხა სასულიერო სასწავლებელში.

შემდეგ მას უბოძეს პატარა ეკლესიის მრევლი ათენის ცენტრში, კოლონაკის ევანგელიზმოს საავადმყოფოს ეზოში.

მამა დიმიტრიოსი  მდიდარ ათენელთა აღმსარებელი ხდება.

ათენში ჩასვლის პირველივე წუთიდან მას ეძებდა დედაქალაქში მცხოვრები ყველა მდიდარი ოჯახი. მისი ქადაგებები და გალობა ათენის უმდიდრესი უბნის ეკლესიაში საკმაოდ პოპულარული გახდა.

მისმა გაცვეთილმა ხალათმა, ტკბილმა ხმამ, ქველმოქმედებამ, განათლებამ და მშვიდმა  ქცევამ ის ათენის ყველაზე ცნობილ მღვდელად აქცია.

ათენში ყოფნისას მამა დიმიტრიოსი სრულყოფილად დაეუფლა ბერძნულ ენას. მას ხშირად იწვევდნენ მაღალი საზოგადოების სალონებში და გახდა მრავალი გამოჩენილი ათენელის რჩეული აღმსარებელი. იგი მიიწვიეს გენერალ ალექსანდროს პაპაგოსის და პრემიერ მინისტრ ალექსანდროს კორიზისის სახლებში.

ბრიტანელი მღვდელი ასევე ასწავლიდა ათენის ბრიტანულ ინსტიტუტში, ასწავლიდა ინგლისურს მდიდარ ბერძნებს. მან მალევე დაამყარა მეგობრული ურთიერთობა ღვთისმეტყველთა სკოლის „ზოის“ წევრებთან და ათენის მთავარეპისკოპოსთან.

1937 წლიდან 1939 წლამდე ინგლისელი მზვერავი თავისი სამოსითა და გრძელი, უცნაური წვერით, ასრულებდა თავის საეკლესიო მოვალეობებს საბერძნეთის სამეფო ოჯახთან. განსაკუთრებით მჭიდრო იყო მისი ურთიერთობა მეფე გეორგიოს II-სთან, მეფე პავლესა და პრინცესა ფრედერიკას მემკვიდრესთან. სამეფო სასახლეში მისმა ვიზიტებმა უდავოდ მისცა მას წვდომა ღირებულ ინფორმაციაზე.

ბრიტანეთის დაზვერვას ბევრი რამ უნდა გაეგო საბერძნეთის სამეფო ოჯახის შესახებ ამ გადამწყვეტი ომის წინა წლებში. მეფე გეორგიოს II იყო დედოფალ ელიზაბეთის მეუღლის, ედინბურგის ჰერცოგის, პრინც ფილიპის პირველი ბიძაშვილი.

ბალფურმა, მამა დემეტრეს საფარქვეშ, სასახლის ლოცვა-კურთხევით მნიშვნელოვანი ნაცნობობა დაამყარა მაღალი რანგის სამხედრო ოფიცრებთან და პოლიტიკოსებთან.

გადმოცემის მიხედვით 1941 წლის აპრილში გერმანელების  შესვლამდე რამდენიმე დღით ადრე, მისმა მრევლმა დაინახა, რომ მამა დიმიტრიოსი გამოვიდა ეკლესიიდან მოკლე თმით, იყო გაპარსული და ხაკისფერი შორტები და სამხედრო ჩექმები ეცვა.

ამბობენ, რომ შემდეგ ის ჩაჯდა ინგლისის საექსპედიციო ძალების ჯიპში, რომელიც ბრიტანეთის საელჩოს თანამშრომლებთან ერთად პირეას პორტის მიმართულებით გაემართა. მისი საბოლოო დანიშნულება კაირო იყო.

ახლა ის იყო დევიდ ბალფური, ცნობილი ბრიტანელი დიპლომატი და ბრიტანეთის დაზვერვის სამსახურის მთავარი წევრი. კაიროში ბალფურმა გააგრძელა თბილი ურთიერთობა საბერძნეთის სამეფო ოჯახის წევრებთან, ასევე მომავალ პრემიერ მინისტრებთან, გეორგოს პაპანდრეუსთან და პანაიოტის კანელოპულოსთან.

სამწელიწადნახევრის შემდეგ საბერძნეთის განთავისუფლებიდან, ბალფური დაბრუნდა ათენში, უკვე  საჯაროდ ცნობილი როგორც “მაიორი დევიდ ბალფური”, მან ოფიციალურად დაიწყო მუშაობა ბრიტანეთის საელჩოში.

მიუხედავად მისი სახეცვლილებით გაბრაზებული და განცვიფრებული ნაცნობი ბერძნების გულისწყრომისა, ბალფურმა განაგრძო მუშაობა ომის შემდგომი საბერძნეთის პოლიტიკაში ბრიტანეთის გავლენის დამყარების საქმეში. ამჯერად მან ეს გააკეთა ბრიტანეთის საელჩოს „პოლიტიკურ საკითხებში მრჩევლის“ პოსტზე.

ბალფურის გავლენა დიდი განხილვის საგანი იყო ისტორიკოსებისთვის, მეცნიერები მას რამდენიმე პოლიტიკურ მაქინაციას მიაწერდნენ. ამბობენ, რომ მან ხელი შეუწყო მთავარეპისკოპოსის დამასკინოსის რეგენტის ადგილზე დანიშვნას და ასევე პრემიერის პოსტიდან გეორგოს პაპანდრეუს გადადგომას.

როგორც ექსპერტმა საბერძნეთის პოლიტიკის სფეროში, ბალფურმა მნიშვნელოვანი როლი ითამაშა 1944 წლის დეკემბრის სისხლიან მოვლენებში და 1945 წლის 12 თებერვლის ვარკიზის შეთანხმებაში საბერძნეთის სახელმწიფოსა და კომუნისტ პარტიზანებს შორის.