მეუღლესთან კამათის შემდეგ სახლი გადაწვა
მეუღლესთან კამათის შემდეგ სახლი გადაწვა
ორესტიადაში, კავილის დასახლებაში მაცხოვრებელი წყვილის ერთ-ერთი ჩხუბის შემდეგ განრისხებულმა კაცმა გადაწყვიტია უსახლკაროდ დაეტოვებინა მისი ოჯახი და მათი საცხოვრებელი ბინისთვის ცეცხლი გაეჩინა.
ცოლ-ქმარს შორის შელაპარაკება შაბათს დაახლოვებით გამთენიის 02:30 საათზე დაიწყო. შელაპარაკება მალევე ჩხუბში გადაიზარდა, კაცი ცოლისთვის ხელის დასარტყმელადაც კი გაიწია მაშინ, როდესაც მათ არასრულწლოვან შვილებს გვერდით ოთახში ეძინათ. განრისხებულმა კაცმა ჩხუბი არ იკმარა და სახლისთვის ცეცხლის წაკიდება გადაწყვიტა. ცეცხლი მალევე მოედო მთელ სახლს. საბედნიეროდ ხანძარს მსხვერპლი არ მოჰყოლია, რადგან ყველამ დროულად მოასწრო სახლის დატოვება.
შემთხვევის ადგილზე 3 სახანძრო მანქანა და 6 მეხანძრე მივიდა ხანძრის ჩასაქრობად. ცეცხლმა სახლის დიდი ნაწილი დააზიანა.
პოლიციამ დააკავა მოძალადე, რომლის წინააღმდეგაც აღიძრა სისხლის სამართლის საქმე ოჯახური ძალადობისა და ცეცხლის განზრახ წაკიდების გამო.
