მოკლული პოლონელის ოჯახი ირწმუნება, რომ მკვლელობის უკან მისი ყოფილი მეუღლე დგას

მოკლული პოლონელის ოჯახი ირწმუნება, რომ მკვლელობის უკან მისი ყოფილი მეუღლე დგას

პოლონელი ლექტორის ოჯახი, რომელიც 4 ივლისს აღია პარასკევზე უმოწყალოდ მოკლეს, განცხადებას ავრცელებს.

პრჟემისლავ იეზიორსკის ძმამ განაცხადი პირადი Facebook გვერდის საშუალებით გააკეთა, ისაუბრა ვარაუდებზე და მადლობა გადაუხადა საბერძნეთის პოლიციას: “ჩემი და ჩემი ოჯახის სახელით მინდა მადლობა გადავუხადო საბერძნეთის პოლიციას და ყველა პასუხისმგებელ ორგანოს ჩემი ძმის საქმის გულმოდგინედ გამოძიებისთვის. შეუფასებელია თქვენი მცდელობა, პროფესიონალიზმი და თავდადება, რომელიც გამოიჩინეთ. მადლიერება გვინდა გამოვხატოთ მყისიერი რეაგირებისთვის და დამნაშავეების დაკავებისთვის, მათ შორის ჩემი ძმის ყოფილი მეუღლის, რომელიც ამ მკვლელობის თავი და თავია. ჩემი ძმა თავგადაკლული მამა, შვილი და ძმა იყო. ამასთანავე გახლდათ წარმატებული პროფესორი, რომელმაც უამრავი სტუდენტის ცხოვრებაზე მოახდინა დადებითი გავლენა. მას შვილები უზომოდ უყვარდა. მისმა დაკარგვამ ჩვენს ოჯახს უდიდესი დაღი დაასვა. უკან მას ვეღარავინ დაგვიბრუნებს, მაგრამ ის ფაქტი, რომ დამნაშავეები სამაგალითოდ დაისჯებიან ამსუბუქებს ჩვენს ტანჯვას.”