მოხალისე სისხლის დონორის მსოფლიო დღესთან დაკავშირებით საბერძნეთის პარლამენტის შენობა წითელი წვეთით შეიმოსა

მოხალისე სისხლის დონორის მსოფლიო დღესთან დაკავშირებით საბერძნეთის პარლამენტის შენობა წითელი წვეთით შეიმოსა

საბერძნეთის პარლამენტმა სისხლის დონაციის ეროვნულ ცენტრთან თანამშრომლობით პარლამენტის შენობა წითელი სისხლის წვეთით “შემოსა”.

სისხლის უანგარო დონორის მსოფლიო დღე ჯანმრთელობის მსოფლიო ორგანიზაციამ 2005 წელს დაარსა და იგი ყოველწლიურად,  14 ივნისს აღინიშნება.

მისი მიზანია ცნობიერების ამაღლება უსაფრთხო სისხლისა და სისხლის პროდუქტების მნიშვნელობასა და საჭიროებაზე, ასევე უანგარო, რეგულარული დონორების კრიტიკულად მნიშვნელოვან როლზე ჯანმრთელობის დაცვის სისტემაში და, აგრეთვე, უანაგრო რეგულარული დონორების მიმართ მადლიერების გამოხატვა.

უანგარო დონორის მსოფლიო დღე, მისი მნიშვნელობიდან გამომდინარე, ჯანმრთელობის მსოფლიო ორგანიზაციის საზოგადოებრივი ჯანმრთელობის გლობალური კამპანიების ნაწილია.

წლევანდელი გლობალური კომპანიის სლოგანია: “20 წელი ერთად. დიდი მადლობა სისხლის დონორებო!”