Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

პატრაში ნარკოტიკული საშუალებების შენახვა-რეალიზაციის ფაქტზე სამი მამაკაცი დააკავეს

პატრაში, უშიშროების ნარკოდანაშაულის წინააღმდეგ ბრძოლის განყოფილების თანამშრომლებმა დააკავეს სამი მამაკაცი, რომელთა წინააღმდეგ სისხლის სამართლის საქმე ნარკორეალიზაციისა და კრიმინალური დაჯგუფების წევრობის ფაქტზე აღიძრა.

პოლიციის თანამშრომლების მიერ ჩატარებული გამოძიების შედეგად გაირკვა, რომ დაკავებულები არიან დაჯგუფების წევრები, კონკრეტული სტრუქტურით, იერარქიით, განსხვავებული როლებითა და მეთოდოლოგიით, რომლებიც კოკაინით, კანაფით და ჰეროინით ვაჭრობას ახორციელებდნენ პატრაში.

ბრალდებულები სახლთან ახლოს შემოღობილ და ბოქლომოთ დაკეტილ მინდორში მდგარ საქათმეს ნარკოტიკული საშუალებების შესანახად იყენებდნენ. ამ ადგილიდან ყოველდღიურად იღებდნენ ნარკოტრაფიკისთვის საჭირო რაოდენობას.

პოლიციამ ბრალდებულებიდან ორი მათგანი მინდორში ყოფნისას დააკავა. შემოწმებისას მათ საკუთრებაში აღმოაჩინა ცელოფნის პაკეტებში დაფასოებული 1040 გრამი კოკაინი და 36 გრამი ჰეროინი. გარდა ამისა, პოლიციელებმა აღნიშნულ ტერიტორიაზე მიწაში ჩაფლული და დამალული 538 გრამი კანაფი ამოიღეს.

დაჯგუფების ლიდერი სახლის შესასვლელთან დააკავეს, რომელსაც ჩხრეკისას თან 1450 ევრო და მობილური ტელეფონი აღმოაჩნდა.

პოლიციამ დაკავებულთა საცხოვრებელი სახლების შემდგომი ჩხრეკისას აღმოაჩინა და ამოიღო: 20,9 გრამი კანაფი, ორი სასწორი, ორი მოტოციკლი და 260 ევრო. უკანონო ფინანსური სარგებელი, რომელსაც დაკავებულები ნარკოტიკული საშუალების ვაჭრობით მიიღებდნენ, 143 990 ევროს შეადგენდა.

დაკავებულები პატრას საოლქო პროკურატურაში გადაიყვანეს.

 

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *