პატრა- მან აღდგომა აღნიშნა შემდეგ კი თავი მოიკლა

პატრაში 66 წლის მამაკაცის თვითმკვლელობამ ადგილობრივი საზოგადოება  შოკში ჩააგდო.

მედიის ინფორმაციით მამაკაცს ფინანსური პრობლემები ჰქონდა.

გარდაცვლილი ყოფილი  ბარმენი იყო, მოგვიანებით სასტუმროს მენეჯერი, მუშაობდა ასევე საზღვარგარეთ.

აღდგომის კვირა მან მეგობრებთან გაატარა, თუმცა იგრძნობოდა, რომ ფსიქოლოგიურად  ცუდად იყო, რის გამოც მეგობარმა სთხოვა მასთან დარჩენილიყო.

მან  ორშაბათს მთელი დღე მართლაც მეგობართან გაატარა, ხოლო სამშაბათს,  სახლში დაბრუნებულმა  ვენები გადაიჭრა,  სახლის სახურავიდან გადმოხტა და სიცოცხლე თვითმკვლელობით დაასრულა.

გარდაცვლილი მარტოხელა იყო, მას ოჯახი არ ჰყავდა.

ფსიქოლოგების განმარტებით თვითმკვლელობების შემთხვევები განსაკუთრებით მატულობს სადღესასწაულო პერიოდში, თითოეული შემთხვევის უკან კი  მძიმე ფსიქოლოგიური ფონი დგას.

მარტოხელა ადამიანები ამ დროს განსაკუთრებით განიცდიან მარტოობას,  ხოლო მეტწილად ახლობელთა და გარშემომყოფთა  გულგრილობას კი მათი მდგომარეობა ტრაგიკულ დასასრულამდე მიჰყავს.