პირგოსი: მამაკაცი ახალგაზრდა ქალის აივანზე აძვრა და საცვლები მოიპარა

ოთხშაბათს (8/11) ღამით პირგოსში, ქალაქის ცენტრალურ ქუჩაზე მდებარე საცხოვრებელი კორპუსის მახლობლად შემთხვევით გამვლელმა პირველ სართულზე მდებარე ბინის აივნიდან გადმომხტარი მამაკაცი შენიშნა, რომლის ქმედებაც აშკარად ეჭვს იწვევდა და ფაქტის შესახებ პოლიციას აცნობა.

საეჭვო მამაკაცი მალევე დააკავეს. როგორც გაირკვა 38 წლის, აშკარად გარკვეული  ფსიქოლოგიური პრობლემების მქონე პირს, მანამდე შემჩნეული ჰყავდა აღნიშნულ ბინაში მცხოვრები ახალგაზრდა ქალი, რომლის მიმართ ინტერესმაც ის აიძულა მისი ბინის აივანზე ამძვრალიყო და უთვალთვალებდა ქალს აივნის კარიდან, გაქცევისას კი იქვე საშრობზე გაფენილი, ქალის საცვლებიც გააყოლა ხელს.

ამ დრომდე  უცნობია შეიტანა თუ არა დაზარალებულმა ქალმა სარჩელი 38 წლის მამაკაცის წინააღმდეგ.