პირეა: იძულებით გადაადგილებულ პირთა თავშესაფარში არასრულწლოვანი გარდაიცვალა
პირეა: იძულებით გადაადგილებულ პირთა თავშესაფარში არასრულწლოვანი გარდაიცვალა
პოლიციამ ადამიანის გაუფრთხილებლობით მკვლელობის ბრალდებით დააკავა პედიატრი, რომელმაც არასრულწლოვან გოგონას არასწორი დიაგნოზი დაუსვა.
გავრცელებული ინფორმაციის თანახმად ხუთშაბათს, 5 დეკემბერს, საღამოს გოგონას გარდაცვალებასთან დაკავშირებით პოლიციაში ზარი საავადმყოფოდან შევიდა.
არასრულწლოვანი იძულებით გადაადგილებულ პირთა თავშესაფარში მშობლებთან ერთად ცხოვრობდა.
გარდაცვლილის მშობლები პედიატრს ადანაშაულებენ და თვლიან, რომ ექიმმა გოგონას არასწორი დიაგნოზი დაუსვა, რამაც მისი გარდაცვალება გამოიწვია.
გამოძიებამ უკვე შეაგროვა საქმის მასალები, პედიატრი დაკითხვაზე გადაიყვანა, თუმცა მალევე, პროკურორის სიტყვიერი ბრძანების საფუძველზე, გაათავისუფლა.
ცხედარს ჩაუტარდება ექსპერტიზა, რათა დადგინდეს გარდაცვალების გამომწვევი მიზეზები.
