პირეა: სასტიკი მკვლელობა ავტოსადგომის გამო

როგორც ცნობილი გახდა დღეს პირეაზე, პრაქსიტელუს ქუჩაზე მდებარე ავტოსადგომზე საზარელი მკვლელობა მოხდა. 68 წლის  ასაკოვანმა მამაკაცმა ცეცხლსასროლი იარაღიდან თავის არეში გასროლით მოკლა 39 წლის ამავე ავტოსადგომის თანამშრომელი.

გავრცელებული ინფორმაციით, შელაპარაკება მათ შორის ავტოსადგომის ფუნქციონირებასთან დაკავშირებით მოხდა, რის შემდეგაც მამაკაცმა სახლიდან სანადირო თოფი გაიტანა და მსხვერპლს ერთხელ ესროლა თავში, შემდეგ კი ძირს დაცემულს მეორედ ესროლა, რათა დარწმუნებულიყო, რომ ნამდვილად მოკლა.

როგორც ირკვევა მამამკაცებს ხშირად ჰქონდათ ერთმანეთთან კამათი და უსიამოვნება.

მკვლელობის შემდეგ შეირაღებული თავდამსხმელი ალკივიადუს ქუჩაზე მდებარე საკუთარ ბინაში ჩაიკეტა, თუმცა შემდეგ საკუთარი ნებით ჩაბარდა პოლიციას.

დაზარალებული ალბანური წარმოშობის 39 წლის მამაკაცი თავდაპირველად ზანეოს საავადმყოფოში გადაიყვანეს, სადაც მისი გარდაცვალება დადგინდა.

ქალი, რომელიც იცნობს თავდამსხმელს, საუბრობს ასაკოვან მამაკაცზე, რომელიც ხშირად უქმნიდა პრობლემებს მეზობლებს და მათ ხშირად ეჩხუბებოდა, ძირითადად  საყოფაცხოვრებო მიზეზების გამო.

მისი თქმით, მამაკაცს მანქანაც კი არ ჰყავდა, თუმცა აკვიატებულ ქცევებს ავლენდა და ზიზიღს გამოხატავდა ავტოსადგომის მიმართ.

მისი განმარტებით, მოძალადე “16 წელია ყველას ებრძვის, ყველას უქმნის პრობლემებს, ის არ არის გიჟი, უბრალოდ ძალიან ცუდი ადამიანია. მას ეუბნებოდნენ რომ ავტოსადგომი იყო კერძო საკუთრება, მაგრამ ვერ იგებდა. მანქანებს უვარდებოდა და არ დგებოდა. უცნაური კაცი იყო, ორი წლის წინ ავტოკატასტროფაში მოყვა, ავტოსადგომს ვერ იტანდა, უკანონოდ თვლიდა, ახლა კი იარაღიც მოიტანა.”- ამბობს ის.