პოლიციამ დააკავა გოგონა, რომელიც აცხადებდა რომ 4 კაცმა გააუპატიურა, ცრუ ჩვენების მიცემისთვის
პოლიციამ დააკავა გოგონა, რომელიც აცხადებდა რომ 4 კაცმა გააუპატიურა, ცრუ ჩვენების მიცემისთვის
ლივადიაში, გოგონამ, რომელიც გატაცებასა და გაუპატიურებაში სდებდა ბრალს 4 პირს, პროკურორთან საუბრისას ფსიქოლოგის თანდასწრებით აღიარა, რომ მოიტყუა.
აღიარებით ჩვენებამდე პროკურორმა ბრძანება გასცა გოგონას ჩატარებოდა სამედიცინო ექსპერტიზა, რათა დადგენილიყო ძალადობის კვალი, თუმცა გოგონა მტკიცე უარს აცხადებდა ექსპერტიზის ჩატარებაზე. სწორედ ამიტომ გადაიყვანეს პროკურორთან დაკითხვაზე და მოითხოვეს ფსიქოლოგი დასწრებოდა საუბარს.
აღიარებითი ჩვენების შემდეგ კი გაიცა გოგონას დაპატიმრების ბრძანება.
შეგახსენებთ, რომ გოგონას ჩვენებაზე დაყრდნობით ყველაფერი ოთხშაბათს დილით 11:00 სააზე დაიწყო, როცა მისი მოტოციკლეტით წმინდა ისიდოროსის სანაპიროზე წავიდა იმ ბიჭთან შესახვედრად, რომელიც Tik Tok-ზე გაიცნო.
ცრუ ჩვენების თანახმად გოგონა დანიშნულ შეხვედრაზე ვერ მივიდა, რადგან მის წინ მიმავალი შავი მანქანიდან 4 კაცი გადმოვიდა, რომლებიც გოგონას მიუახლოვდნენ ერთ-ერთმა მათგანმა პირზე ხელი ააფარა და დანარჩენი სამი მოძალადის დახმარებით მანქანაში ჩატენა.
დამნაშავეებმა გოგონა გაურკვეველი მიმართულებით წაიყვანეს და 10 წუთის შემდეგ გაჩერდნენ მიტოვებულ ადგილას, სადაც ფიზიკურად და სექსუალურად იძალადეს მასზე.
