რამდენად ცდილობს საბერძნეთის სახელმწიფო ხელი შეუწყოს შობადობის მატებას
რამდენად ცდილობს საბერძნეთის სახელმწიფო ხელი შეუწყოს შობადობის მატებას
საბერძნეთი უკვე დიდი ხანია დემოგრაფიული კრიზისის წინაშე დგას. ქვეყანა აღნიშნული პრობლემის აღმოსაფხვრელად ცდილობს არაერთი პროგრამის გატარებას და დაფინანსების გაცემას, რათა ხელი შეუწყოს შობადობის მატებას და შეახსენოს მშობლებს, რომ მრავალშვილიანობა უსამსახუროდ დარჩენის რისკს არ ზრდის.
სოციალური პროგრამა “ძიძები სამეზობლოდან” უკვე ამოქმედდა. პროგრამაზე რეგისტრაცია ntantades.gov.gr ვებსაიტზეა შესაძლებელი.
აღნიშნული სოციალური პროგრამის მიზანია დიასახლისები დაუბრუნდნენ პროფესიულ საქმიანობას. იმისთვის რომ ზემოთაღნიშნულის შესაძლებლობა მიეცეთ დიასახლისებს სახელმწიფო გასცემს ვაუჩერებს, რომლებითაც მშობლები ძიძებისთვის ანაზღაურების გადახდას შეძლებენ.
აღნიშნული სოციალური პროგრამა საპილოტე რეჟიმში უკვე 62 მუნიციპალიტეტში განხორციელდა და ახლა უკვე მზად არის სრულიად საბერძნეთის მასშტაბით შევიდეს ძალაში.
ვაუჩერის მისაღებად რეგისტრაცია შეუძლიათ დედებს, რომლებსაც ჰყავთ 2 თვიდან 2,5 წლამდე ასაკის ბავშვები და მამებს, რომლებსაც სრული მეურვეობა აქვთ შვილებზე. განმცხადებლების წლიური შემოსავალი არ უნდა აღემატებოდეს 24 000 ევროს.
ვაუჩერი არის 500 ევროს ღირებულების დედებისთვის, რომლებიც სრულ განაკვეთზე მუშაობენ, ხოლო 300 ევროს ოდენობის თვეში მათთვის, ვინც ნახევარ განაკვეთზე მუშაობს. დედებისთვის, რომლებიც ამჟამად უმუშევრები არიან და ეძებენ სამსახურს, ასევე 300 ევროს შეადგენს ვაუჩერი, რომელსაც სამი თვის განმავლობაში მიიღებენ მხოლოდ.
სამუშაო საათები ძიძებისთვის განისაზღვრება ოჯახსა და ძიძას შორის შეთანხმებით, რათა მორგებული იყოს თითოეული ოჯახის კონკრეტულ საჭიროებებზე.
თითოეულ ძიძას შეუძლია შეითავსოს 3 ბავშვის მოვლა, რაც ჯამში მის ანაზღაურებას 1500 ევრომდე გაზრდის.
აღსანიშნავია ისიც, რომ პროგრამაში მონაწილეობის მიღება ბებია-ბაბუებსაც შეუძლიათ.
პროგრამაში მონაწილეობის მთავარი წინაპირობაა, რომ მათ ჰქონდეთ ზოგადი განათლების ატესტატი და დაესწრონ ონლაინ სემინარს, რომელიც საჭირო ტრენინგს უზრუნველყოფს. ასევე აუცილებელია ცნობა სასწრაფო დახმარების ცენტრიდან, რომელიც დაადასტურებს, რომ ძიძას შეუძლია პირველადი დახმარება აღმოუჩინოს ბავშვს საჭიროების შემთხვევაში და ჯანმრთელობის ცნობა: ზოგადი ექიმისგან, ფსიქიატრისგან, დერმატოლოგისგან, ნასამართლეობის ცნობა.
