როგორ დავიცვათ თავი სიცხის ტალღის ფენომენისგან

როგორ დავიცვათ თავი სიცხის ტალღის ფენომენისგან

უპირველეს ყოვლისა უნდა ერიდოთ თაკარა მზეზე (ეს იქნება ზღვის სანაპიროზე დასვენება, თუ ღია სივრცეში მუშაობა) თავსაბურავის გარეშე ხანგრძლივად ყოფნას. სხვადასხვა გარემოებათა გამო აღნიშნულ ვითარებაში მოხვედრის შემთხვევაში, აკონტროლეთ თქვენი ჯანმრთელობის მდგომარეობა და ეცადეთ, არ მიიღოთ მზის დაკვრა. ამისათვის: 

• პერიოდულად შეისვენეთ ჩრდილში.
• შეისხურეთ სხეულზე ცივი წყალი.
• დაიცავით სითხის მიღების რეჟიმი. მცირე ინტერვალებით ჩვეულ რაოდენობაზე მეტი სითხე მიიღეთ.
• გახსოვდეთ: სითხის მცირე რაოდენობით მიღების შემთხვევაში ოფლიც შესაბამისად მცირე რაოდენობით გამოიყოფა. მოგეხსენებათ, ოფლის გამოყოფასთან ერთად ორგანიზმიდან სითბოს გამოყოფაც ხდება და შესაბამისად სხეული გრილდება. ფაქტობრივად აღნიშნული ფიზიოლოგიური პროცესი ადამიანის ორგანიზმს იცავს გადახურებისგან, ამიტომაც გადახურებულ და მზიან გარემოში აუცილებელია სითხის მიღების კონტროლი.
• შეიმოსეთ მსუბუქი, ღია ფერის სამოსით.
• არ დაგავიწყდეთ მზისგან დამცავი კრემის სახეზე და სხეულზე დატანა.
• საჭიროების შემთხვევაში დაუკავშირდით მოქალაქეთა მომსახურების ცხელ ხაზს ნომერზე: 1595 (ზარის საფასური დამოკიდებულია პროვაიდერზე), ან ცხელ ხაზს “სიცხის ტალღა”, რომელიც მუნიციპალიტეტის ექიმებისგან არის დაკომპლექტებული, ნომერზე: 210 3638049 დილის 8:30 საათიდან საღამოს 7:30 საათამდე და მიიღეთ რჩევები და მითითებები, თუ როგორ გაუმკლავდეთ ჯანმრთელობის პრობლემებს, რომლებიც სიცხის ტალღისგან არის გამოწვეული.