როდიდან იწყება საბერძნეთის გათავისუფლებისთვის ბრძოლა ოსმალეთის იმპერიისგან
როდიდან იწყება საბერძნეთის გათავისუფლებისთვის ბრძოლა ოსმალეთის იმპერიისგან
საბერძნეთის დამოუკიდებლობის დღედ და საბერძნეთის ეროვნული აღორძინების დღედ არის მიჩნეული 25 მარტი, დღე, როდესაც დაიწყო დიდი განმათავისუფლებელი რევოლუცია ოსმალეთის იმპერიის მიერ 400 წლიანი ოკუპაციის შემდეგ.
ამ დღეს ბერძნები პატივს მიაგებენ 1821-1829 წლებში რევოლუციის პერიოდში დაღუპულ გმირებს.
ეს დღე მნიშვნელოვანია ასევე რელიგიური კუთხიდანაც, რადგან ემთხვევა ხარების მართლმადიდებლურ დღესასწაულს. დამოუკიდებლობის დღის აღსანიშნავად ყოველწლიურად იმართება სამხედო აღლუმები და საზეიმო მსვლელობები.
შეგახსენებთ, რომ 1821 წლის 25 მარტს, ხარების დღეს, კალავრიტას მახლობლად, წმინდა ლავრის მონასტერში, პირველად გაისმა მოწოდება “თავისუფლება ან სიკვდილი” და პატრას მიტროპოლიტმა ჰერმანმა აღმართა რევოლუციის დროშა. რევოლუციის დასრულების შემდეგ შექმნილი საბერძნეთის სახელმწიფო დროშა ზუსტად იმეორებდა ამ ბანერს 1978 წელს საბერძნეთის ამჟამინდელი დროშის ოფიციალურ დამტკიცებამდე.
