როდოსი: ლუნა პარკში ატრაქციონი მწყობრიდან გამოვიდა – დააკავეს პარკის მფლობელი

როდოსი: ლუნა პარკში ატრაქციონი მწყობრიდან გამოვიდა – დააკავეს პარკის მფლობელი

კუნძულ როდოსზე მომხდარი უბედური შემთხვევის გამო, როდესაც ატრაქციონი მწყობრიდან გამოვიდა და 4 ახალგაზრდა სწრაფად მბრუნავი ატრაქციონიდან უეცრად ადგილიდან მოწყდა და მიწაზე დაენარცხა, ლუნა პარკის მფლობელი დააკავეს.

ხალხით გადაჭედილ ლუნა პარკში ატრაქციონიდან სავარძელი, რომელზეც 4 ახალგაზრდა იჯდა, პარასკევს ღამით მოწყდა. 

საბედნიეროდ ვარდნისას ახალგაზრდებს სხეულის მძიმე დაზიანებები არ მიუღიათ. მაგრამ როგორც გავრცელებული ვიდეოდან ჩანს უბედური შემთხვევა საკმაოდ მძიმედ შეიძლებოდა დასრულებულიყო. 

პოლიციამ 2 პირი დააკავა. ლუნა პარკის მფლობელი და ატრაქციონების გამართულად ფუნქციონირებაზე პასუხისმგებელი პირი, პარკის მფლობელის ნათესავი.

დაკავებულებს ბრალი გაუფრთხილებლობით სხეულის დაზიანებების მიყენებაში ედებათ.