როდოსი: მძღოლი, რომელსაც საბავშვო ბაღის აღსაზრდელები ექსკურსიაზე მიჰყავდა, ნასვამ მდგომარეობაში იმყოფებოდა

საბავშვო ბაღის 30 აღსაზრდელი, მათი თანმხლები აღმზრდელი და მათი მშობლები პოტენციური საფრთხის წინაშე აღმოჩნდნენ, რადგან, როგორც გაირკვა   ტურისტული ავტობუსის მძღოლი, რომელსაც ისინი როდოსში დაგეგმილ ექსკურსიაზე გადაყავდა,  ალკოჰოლის ზემოქმედების ქვეშ იმყოფებოდა!

საგზაო პოლიციის თანამშრომლებმა, რომლებიც ყოველდღიურად ამოწმებენ სასკოლო ექსკურსიების ავტობუსებს, 66 წლის მძღოლს ალკოტესტი გაუკეთეს და დაადგინეს, რომ მას ალკოჰოლური სასმელი ჰქონდა მიღებული.

თითქოს ეს არ იყო საკმარისი, ავტობუსს არ ჰქონდა სპეციალური უსაფრთხოების სავარძლები პატარა მგზავრებისთვის.

ამრიგად, საგზაო პოლიციამ აკრძალა მარშრუტის შესრულება.

66 წლის მძღოლი  არ დაუკავებიათ, მაგრამ ადმინისტრაციული ჯარიმა დაეკისრა, თუმცა პატარებმა მაინც ვერ შეძლეს ექსკურსიაზე წასვლა, რადგან ის გაუქმდა.

სააგენტომ – რომელიც ასევე დაჯარიმდა – ვერ შეძლო შემცვლელი ავტობუსის  და სხვა მძღოლის გაგზავნა.