როდოსი: შუქნიშანთან ლოდინის დროს ქალს 15 ადამიანი შემოეხვია და ჩანთა წაართვეს

47 წლის ქალმა როდოსში შოკი მიიღო,  როდესაც წითელ შუქნიშანზე გააჩერებულ მის  მანქანას ერთდროულად 15 ადამიანი შემოეხვია და მძღოლის გვერდით სავარძელზე  დატოვებული ჩანთა წაართვეს.

ყველაფერი მოხდა სამშაბათს ღამით, კუნძულ როდოსზე, 23:30 საათის შემდეგ, როდესაც 47 წლის ქალი კორაკონეროში მდებარე ბოშათა ბანაკთან გაჩერდა. სანამ შუქნიშანზე მწვანე შუქის ანთებას ელოდა, 15-მდე ბოშა, მათ შორის არასრულწლოვანები (14-16 წლის),  ბანაკიდან ქუჩაში გამოვიდნენ და მანქანას გარს შემოეხვივნენ.

ორმა მათგანმა გააღო მძღოლისა და გვერდით მგზავრის კარი და ისე, რომ მძღოლისთვის არაფერი დაუშავებიათ, მგზავრის სავარძლიდან ჩანთა აიღეს და ბანაკისკენ გაიქცნენ.

ქალმა პოლიციას  მიმართა, რის შემდეგაც მომხდარი ძარცვის ფაქტზე გამოძიება დაიწყო.