რომელი კატეგორიის ავტომანქანებს ეკრძალებათ ათენსა და სალონიკში გადაადგილება
რომელი კატეგორიის ავტომანქანებს ეკრძალებათ ათენსა და სალონიკში გადაადგილება
საბერძნეთში საგზაო კამერები, რომლებიც აქამდე სიჩქარის გადაჭარბებასა და წითელ შუქზე მოძრაობას აფიქსირებდნენ, ახლა ავტომატურად ამოიცნობენ ავტომობილის ეკოლოგიურ კატეგორიასაც.
ახალი სისტემა სანომრე ნიშნების მეშვეობით დაადგენს, ეკუთვნის თუ არა ავტომობილი Euro 4-ის ან უფრო ძველი სტანდარტის დიზელის კატეგორიას. შეგახსენებთ რომ ძველი კატეფორიის ავტომობილების გადაადგილება ათენისა და სალონიკის გარკვეულ ზონებში აკრძალულია.
თუ კამერა აკრძალულ ტერიტორიაზე ძველ დიზელის ავტომობილს დააფიქსირებს მძღოლი დაჯარიმდება, თუნდაც სხვა საგზაო დარღვევა არ ჰქონდეს.
გარდა ამისა, თუ აკრძალულ ზონაში მოძრავი ავტომობილი ავარიაში მოხვდება, შესაძლოა სადაზღვევო კომპანიამ ზარალის ანაზღაურებაზე უარი თქვას, რადგან მანქანა კანონის დარღვევით გადაადგილდებოდა.
ხელისუფლება მძღოლებს ურჩევს, გადაამოწმონ საკუთარი ავტომობილის Euro კატეგორია ტექნიკურ პასპორტში, რათა თავიდან აიცილონ ჯარიმები და სხვა სამართლებრივი პრობლემები.
