საბერძნეთი: ინფრასტრუქტურული პროექტების მონიტორინგისთვის ახალი ციფრული სისტემა შეიქმნება
საბერძნეთი: ინფრასტრუქტურული პროექტების მონიტორინგისთვის ახალი ციფრული სისტემა შეიქმნება
საბერძნეთში შეიქმნება კიდევ ერთი ციფრული პლატფორმა „ინფრასტრუქტურულიპროექტების ობსერვატორია“ , რომელიც ატიკის რეგიონში მიმდინარე 352 მსხვილი ინფრასტრუქტურული პროექტის მონიტორინგს რეალურ დროში უზრუნველყოფს. შესაბამის ხელშეკრულებას ხელი რეგიონის გუბერნატორმა ნიკოს ხარდალიასმა უკვე მოაწერა.
ახალი სისტემა 24-საათიან რეჟიმში გააკონტროლებს პროექტების მიმდინარეობას, მათ შორის სამუშაოების პროგრესს, ბიუჯეტს, დაფინანსების წყაროებს, ვადებსა და შესაძლო შეფერხებებს. პლატფორმა ხელს შეუწყობს როგორც ადმინისტრაციის ეფექტიან მუშაობას, ისე მოქალაქეების ინფორმირებულობასა და გამჭვირვალობას.
ნიკოს ხარდალიასის განცხადებით, ეს არის ერთ-ერთი მთავარი წინასაარჩევნო დაპირების შესრულება და მნიშვნელოვანი ნაბიჯი საჯარო მმართველობის მოდერნიზაციისკენ. მისი თქმით, 2027 წლის პირველი ნახევრიდან მოქალაქეებს შეეძლებათ ონლაინ რეჟიმში ნახონ, რა პროექტები ხორციელდება მათ რაიონში, რა ეტაპზეა თითოეული მათგანი და თუ არსებობს შეფერხება რა არის მისი მიზეზი.
პროექტი ოთხ ეტაპად განხორციელდება, მისი ბიუჯეტი 2,79 მილიონ ევროს (დღგ-ის გარეშე) შეადგენს, ხოლო დასრულება 33 თვეშია დაგეგმილი. სისტემის შექმნას საერთაშორისო ტენდერში გამარჯვებული კომპანიების კონსორციუმი განახორციელებს.
