სერესი: ექიმებმა 15 წლის ბიჭის გადარჩენა ვერ შეძლეს

სერესი: ექიმებმა 15 წლის ბიჭის გადარჩენა ვერ შეძლეს

ექიმებმა ვერ შეძლეს 15 წლის ბიჭის სიცოცხლის გადარჩენა, რომელიც ავტოსაგზაო შემთხვევის შედეგად მძიმედ დაშავდა.

არასრულწლოვანი კვირას შუადღემდე სერესის საავადმყოფოში გადიოდა მკურნალობას.
გავრცელებული ინფორმაციის თანახმად 15 წლის ბიჭი თავადვე მართავდა მანქანას. მასთან ერთად კი ავტომანქანაში 9-13 წლამდე არასრულწლოვნები იმყოფებოდნენ. 

შეგახსენებთ, რომ ავტოსაგზაო შემთვევა დღეს დილით, 09:00 საათზე პოდიზმენუ-ირაკლიას გზაზე მოხდა ირაკლიას მუნიციპალიტეტში.

ავტომანქანა, რომელსაც 15 წლის ბიჭი მართავდა, გამოძიებისთვის ამ დრომდე დაუდგენელ მიზეზთა გამო გზიდან გადავარდა და განათების ბოძს შეეჯახა. 

ავტომანქანის მძღოლი, სამ არასრულწლოვან მგზავრთან ერთად საავადმყოფოში გადაიყვანეს. როგორც უკვე აღვნიშნეთ, 15 წლის ბიჭის გადარჩენა მიუხედავად ექიმების თავდაუზოგავი მცდელობებისა ვერ მოხერხდა, თუმცა დანარჩენი 3 მგზავრის სიცოცხლეს საფრთხე არ ემუქრება.