ტავერნაში მომხმარებელმა  მზარეულს დანა დაარტყა

ტავერნაში მომხმარებელმა  მზარეულს დანა დაარტყა

თესალონიკი:  თევზის ტავერნაში უკმაყოფილო მომხმარებელმა  მზარეულს დანა დაარტყა.

დაზარალებული “პაპაგეორგიუს”  საავადმყოფოშია გადაყვანილი.

დამნაშავის იდენტიფიცირება ჯერ არ მომხდარა, პოლიცია მას დასაკავებლად ეძებს. საქმე ამბელოკიპი-მენემის რაიონული პოლიციის სამმართველოშია აღძრული.

კვირას  ზღვის პროდუქტების ტავერნაში არეულობა გამოიწვია მომხმარებლის უკმაყოფილებამ, რის შედეგადაც მან, ტავერნის 65 წლის მზარეული დანით დაჭრა.  მსხვერპლი მუცლის არეში მძიმე ჭრილობით “პაპაგეორგიუს” საავადმყოფოში გადაიყვანეს.

ტავერნის დირექციამ მომხდარის გამო სასწრაფო დახმარება გამოიძახა. შემთხვევის ადგილზე მისულმა მაშველებმა კი, თავის მხრივ, პოლიციას აცნობეს დაჭრილი მამაკაცის შესახებ, რომელსაც ჭრილობა ბასრი საგნით ჰქონდა მიყენებული.

 

აღსანიშნავია, რომ თავიდან უცნობი იყო, თუ რა გარემოებებში მიიღო მზარეულმა მძიმე დაზიანებები, თუმცა მოგვიანებით პოლიციამ დაადგინა, რომ ეს იყო დანაშაულებრივი ქმედება.

სამართალდამცავების მიერ აღძრულია სისხლის სამართლის საქმე, დამნაშავის ინდენტიფიცირება კი, ჯერჯერობით ვერ ხერხდება.