ტრაგედია იმათიაში: 15 წლის მოზარდმა თავი ჩამოიხრჩო

ტრაგიკული შემთხვევა მოხდა წუხელ იმათიაში, სოფელ პალეო პროდრომოსში. 15 წლის ბიჭმა ამ დრომდე დაუდგენელი მიზეზით თავი ჩამოიხრჩო.

გავრცელებული ინფორმაციით, 15 წლის მოზარდი პარასკევს ღამით საკუთარი სახლის კიბეზე ჩამოკიდებული იპოვეს მისმა მშობლებმა და მათმა მეზობელმა.

მათ მაშინვე გამოძახეს სასწრაფო დახმარების ჯგუფი, მაგრამ სამწუხაროდ მოზარდი უკვე გარდაცვლილი იყო.

ამავე ინფორმაციით, გარდაცვლილს არ დაუტოვებია ჩანაწერი, სადაც ახსნიდა იმ მიზეზებს, რამაც მიიყვანა ის თვითმკვლელობამდე. მისი გარდაცვალების ზუსტ გარემოებებს ამ დროისთვის პოლიცია იძიებს.

ახლობლების თქმით, ის იყო აქტიური და მხიარული ბავშვი, რომელსაც ერთი შეხედვით ამ ტრაგიკული ნაბიჯის გადადგმის არანაირი მიზეზი და საფუძველი არ ჰქონდა.