ტრაგედია კალაბაკაში – სასტუმროში გაჩენილ ხანძარს სასტუმროს მეპატრონის სიცოცხლე ემსხვერპლა
ტრაგედია კალაბაკაში – სასტუმროში გაჩენილ ხანძარს სასტუმროს მეპატრონის სიცოცხლე ემსხვერპლა
ორშაბათს დილით კალაბაკაში მდებარე სასტუმროში, გამოძიებისთვის ამ დრომდე დაუდგენელ მიზეზთა გამო ხანძარი გაჩნდა.
55 წლის სასტუმროს მეპატრონე, იმისთვის რომ თავი გადაერჩინა, სასტუმროს პირველი სართულიდან გადახტა, თუმცა დაცემის შედეგად მძიმე დაზიანებები მიიღო და საავადმყოფოში გადაყვანისას სასწრაფო დახმარების მანქანაში გარდაიცვალა.
სახანძრო სამსახურის მიერ გავრცელებული ინფორმაციის თანახმად ხანძარი უკვე კონტროლს ექვემდებარება და შენობიდან უსაფრთხოდ გამოყვანილია 26 დამსვენებელი, რომელთაგანაც 8 არასრულწლოვანია. 26-დან 12-ის საავადმყოფოში გადაყვანა გახდა საჭირო, რადგან სასუნთქ გზებზე აღენიშნებოდათ გარკვეული პრობლემები.
შემთხვევის ადგილზე მუშაობდა 26 მეხანძრე 8 სახანძრო მანქანით.
