ფელისია ცალაპატი ყოფილ მეუღლეს შეურიგდა

ფელისია ცალაპატი ყოფილ მეუღლეს შეურიგდა

ფელისია ცალაპატი და მისი მეუღლე ერთმანეთს შვილის შეძენიდან 3 თვეში დაშორდნენ. განშორების შემდეგ ფელისია ცალაპატიმ განაცხადა, რომ ბევრი ფიქრის შემდეგ გადაწყვიტა ბავშვის ბედნიერება დაეყენებინა წინ და ამიტომ მიიღო განქორწინების გადაწყვეტილება. 

თუმცა, როგორც აღმოჩნდა, წყვილი შერიგდა და თავიდან ცდილობენ ოჯახური ცხოვრების დაწყებას. 

ამ ფაქტთან დაკავშირებით ფელისიამ «Happy Day»-სთან ისაუბრა: “მე თავს კარგად ვგრძნობ და მჯერა, რომ უნდა ვაკეთოთ ის, რაც თავს ბედნიერად გვაგრძნობინებს. როცა თავს რაღაც კარგად, მშვენივრად გვაგრძნობინებს შეუძლებელია იყოს შეცდომა. უნდა აღინიშნოს ისიც, რომ ბავშვის დაბადება ნამდვილად არ ხდის მარტივს წყვილის ცხოვრებას. ბევრი რამე ამოაქვს ზედაპირზე, რადგან საშინლად დამღლელი პერიოდი იწყება წყვილის ცხოვრებაში. შფოთვები, სტრესი, არეული ჰორმონები ქალის ორგანიზმში. ბევრი ისეთი სიახლე შემოდის ცხოვრებაში, რომელთან გამკლავებაც ერთბაშად ძალიან რთულია და როცა ამისთვის ურთიერთობის ორივე მხარე მზად არ არის რთული ხდება თანაცხოვრება.”