ღავდოში მომხდარი მიწისძვრის შემდეგ სამარიას ხეობიდან ტურისტების ევაკუირება განხორციელდა

ღავდოში მომხდარი მიწისძვრის შემდეგ სამარიას ხეობიდან ტურისტების ევაკუირება განხორციელდა

დღეს დილით კუნძულ ღავდოსის სანაპიროზე მომხდარი 5.3 და 4.6 ბალიანი მიწისძვრების შემდეგ, კრეტაზე სამარიის ხეობიდან ვიზიტორების პრევენციული ევაკუაცია დაიწყო.

მიწისძვრების დროს ხეობაში 566 ადამიანი იმყოფებოდა. საბედნიეროდ მიწისძვრის შედეგად მეწყერი არ ჩამოწვა, თუმცა უსაფრთხოების მიზნით ადგილობრივმა ხელისუფლებამ ტერიტორიის დაცლის გადაწყვეტილება მიიღო.

ევაკუაციამ რამდენიმე საათს გასტანა. ისინი, ვინც მარშრუტის მე-6 კილომეტრამდე იყვნენ მისულები, უკან ქსილოსკალოს ჩრდილოეთ შესასვლელისკენ გაბრუნდნენ. დანარჩენი ვიზიტორები კი პერსონალის ხელმძღვანელობით სამხრეთ გასასვლელის, აგია რუმელის მიმართულებით გადაადგილდნენ.

პასუხისმგებელი ორგანოები ამ დრომდე აკვირდებიან ვითარებას.