შემზარავი კადრები კორფუდან – როგორ აღმოჩნდნენ შეზლონგები ზღვის ფსკერზე

შემზარავი კადრები კორფუდან – როგორ აღმოჩნდნენ შეზლონგები ზღვის ფსკერზე

მაშინ, როცა საბერძნეთის სახელმწიფო და სრულიად ევროპა გარემოს დაცვაზე განსაკუთრებით ზრუნავს, სახელმწიფოების შიდა ტერიტორიაზე უამრავი დარღვევა ფიქსირდება.

კუნძულ კორფუს ჩრდილოეთ ნაწილში, ხიროლაკას სანაპიროსთან გადაღებულმა წყალქვეშა ფოტოებმა ზღვის დაბინძურების მასშტაბები კიდევ ერთხელ წარმოაჩინა. ზღვის ფსკერზე აღმოჩენილი შეზლონგები წყლის ბუნებრივი გარემოსთვის სრულიად შეუსაბამო სურათს ქმნის.

ფოტოები სააგენტო Eurokinissi-ის ფოტორეპორტიორმა, ღიორღოს კონტარინისმა გადაიღო. კადრებში ჩანს, რომ ზღვის ფლორასა და ფაუნასთან ერთად ადამიანის მიერ დატოვებული ნივთებია მიმოფანტული.

აღნიშნული შემთხვევა კიდევ ერთხელ უსვამს ხაზს ზღვის ეკოსისტემის დაცვის მნიშვნელობას და გარემოსდაცვითი კონტროლის გაძლიერების საჭიროებას, რათა საბერძნეთის სანაპიროებისა და ზღვის სისუფთავე უკეთ იყოს დაცული.