შეტყობინება 112-დან ატიკის რეგიონის მოსახლეობას – “შეზღუდეთ გადაადგილება”
სახიფათო მეტეოროლოგიური მდგომარეობის გამო, რომელიც კვლავ გრძელდება ამინდის ექსტრემალური ფენომენებით, 112 -ის შეტყობინება ატიკის რეგიონში დღეს 20:30 საათამდე გაიგზავნა.
” შეზღუდეთ არასაჭირო გადაადგილება ფენომენის დროს და მიჰყევით ხელისუფლების მითითებებს“, – ნათქვამია ატიკის რეგიონის მაცხოვრებლებისთვის გაგზავნილ შესაბამის შეტყობინებაში.
დღეს ქალაქის ქუჩები ნიაღვარებად გადაიქცა. კერძოდ, ევანგელიზმოს გარეთ, მარასლიასა და ვასილისის სოფიას ქუჩების შეერთებაზე მდინარეები მიედინებოდა. წყლის ძლიერმა ნაკადმა რამდენიმე ფეხით მოსიარულე წააქცია და გაიტაცა. საბედნიეროდ მათ გამვლელები დაეხმარნენ და გადაარჩინეს.
ძლიერმა წვიმამ პრობლემები შექმნა მეტროსადგურებშიც.
ერთმანეთის მიყოლებით გამოვიდა მწყობრიდან მასობრივი ტრანსპორტის საშუალებები. მეტროსადგური “ევანგელიზმოს” ამ დროისთვის დროებით დაკეტილია სადგურის ზედა დონეზე შესასვლელებიდან წყლის შედინების გამო, ამიტომ მატარებლები სადგურზე გაუჩერებლად გადიან.
ასევე, დატბორილია მეტროს პირველი ხაზის (ტრენო) ქსელის ნაწილი. მოძრაობა დროებით მიმდინარეობს პირეა-ტავროს და ომონია-კიფისიის მონაკვეთებზე, მონასტირაკი-თისიოს მონაკვეთზე დიდი რაოდენობით წყლის შედინების გამო.
