ცნობილი პოლიტიკოსი დორა ბაკოიანი საავადმყოფოში მოხვდა

ცნობილი პოლიტიკოსი, ყოფილი მინისტრი და პარტია ნეა დემოკრატიის დეპუტატი დორა ბაკოიანი საავადმყოფოში გადაიყვანეს.

გავრცელებული ინფორმაციით ის კვირას, საკუთარ სახლში დაეცა, რის შემდეგაც სასწრაფოდ გადაიყვანეს ალექსანდრას საავადმყოფოში, სადაც 24 საათი დაჰყო.

დაცემის შედეგად მის თავის ტვინზე ექიმებმა მცირე შიდა სისხლჩაქცევა აღმოაჩინეს, ამიტომ საავადმყოფოში შემდგომი გამოკვლელევების ჩასატარებლად დატოვეს, თუმცა დამაკმაყოფილებელმა კლინიკურმა სურათმა ექიმებს საშუალება მისცა პაციენტი საავადმყოფოდან გაეწერათ და ის სახლში დაბრუნდა.

ამავე ინფორმაციით, ქ-ნი ბაკოიანი კვირის ბოლოს მიტროვიცადან კოსოვოში საავტომობილო გზით დაბრუნდა. მგზავრობა 7 საათს გაგრძელდა და ვარაუდობენ, რომ მისი დაცემა მგზავრობის შედეგად მიღებულმა სტრესმა და გადაღლამ გამოიწვია.

მომხდარის შემდეგ რეაბილიტაციის მიზნით ქ-ნი ბაკოიანი ერთი კვირის განმავლობაში სახლში დარჩება, ხოლო მისი მონაწილეობით დაგეგმილი ყველა ღონისძიება გადაიდო.