Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიჯანმრთელობა

წყალის მნიშვნელობა ადამიანის ჯანმრთელობისთვის 

წყალის მნიშვნელობა ადამიანის ჯანმრთელობისთვის 

წყალი საკვები რაციონის ერთ-ერთი მნიშვნელოვანი ელემენტია. ის მონაწილეობს ორგანიზმში მიმდინარე ნივთიერებათა ცვლაში, საჭმლის მონელებაში, შარდთან ერთად ცხოველქმედების პროდუქტების გამოყოფაში, თბორეგულაციაში.

წყალზე ორგანიზმის მოთხოვნა სხვადასხვაგვარია. ის დამოკიდებულია რაციონზე, შრომით დატვირთვაზე, კლიმატზე, ჯანმრთელობის მდგომარეობასა და სხვა ფაქტორებზე.

დიდი რაოდენობით სითხის დაკარგვა პათოლოგიურ პროცესებს აძლევს დასაბამს, თუმცა მანამდე ორგანიზმი სიგნალს გვაძლევს – გვეუფლება წყურვილის შეგრძნება. ისეც ხდება, რომ წყურვილს იწვევს არა სითხის ნაკლებობა, არამედ ნერწყვის გამოყოფის შემცირება. ამ შემთხვევაში საკმარისია პირის ღრუში სითხის გამოვლება. ნერწყვის გამოყოფას აძლიერებს ლიმონის, ვაშლისა და სხვა ორგანული მჟავები, ამიტომ მჟავე ხილი და წვენი წყურვილს წყალზე უკეთ კლავს. ასევე კარგია ასკილის უშაქრო წვენი, უშაქრო მწვანე ჩაი, უცხიმო, უშაქრო რძემჟავა სასმელები.

წყურვილის მოსაკლავად წყალი ყლუპობით უნდა ვსვათ 5-10 წუთში ერთხელ და არა ერთბაშად. ისიც უნდა ითქვას, რომ წყალი წყურვილს კლავს არა დალევისთანავე, არამედ მიღებიდან 10-12 წუთის შემდეგ, როცა მას საჭმლის მომნელებელი ტრაქტი შეიწოვს.

თეორიულად, ჭამის დროს წყლის ან რომელიმე სხვა სითხის მიღება უნდა ანელებდეს საჭმლის მონელებას კუჭის წვენის განზავების ხარჯზე, თუმცა უახლესმა კვლევებმა ეს თეორია არ დაადასტურა. აღმოჩნდა, რომ ბევრი რამაა დამოკიდებული კუჭის წვენში მარილმჟავასა და პეპსინის კონცენტრაციაზე, საკვების შემადგენლობაზე.

მრავალი ქვეყნის გასტრონომიულ კულტურაში კერძისთვის სასმლის მიყოლება მიღებულია. ეს შეიძლება იყოს წყალი, განზავებული ან განუზავებელი ღვინო, ჩაი ან ბურახი, უცხიმო, განზავებული რძემჟავა სასმელი. გამონაკლისია სამკურნალოდ დანიშნული მინერალური წყლები, რომელთა მიღება ჩვენებისა და დანიშნულებისამებრ უნდა მოხდეს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *