ჭარბი წონა ზრდის18 სახეობაზე მეტი სიმსივნის გაჩენის საშიშროებას და სიცოცხლის ხანგრძლივობას 14 წლით ამცირებს
ჭარბი წონა ზრდის18 სახეობაზე მეტი სიმსივნის გაჩენის საშიშროებას და სიცოცხლის ხანგრძლივობას 14 წლით ამცირებს
ყველას აქვს უფლება, ისე გამოიყურებოდეს, როგორც სურს. არც მისი წონაა სხვისი საქმე: ვის სიგამხდრე მოსწონს, ვის – სიმსუქნე. მაგრამ როცა საქმე ჯანმრთელობას ეხება, საერთაშორისო ორგანიზაციების მიერ ციფრებით გამოხატული სტანდარტებით უნდა ვიხელმძღვანელოთ და ვიცოდეთ, რა საფრთხეს შეიცავს წონის ნორმიდან გადახრა.
თუ ადამიანი ჭარბი წონის თანმხლებ რისკებს აცნობიერებს ან უბრალოდ გახდომა უნდა, სურვილისა და ნებისყოფის მტკიცე ტანდემი უნდა შექმნას და მთელი სერიოზულობით დაიწყოს დასახული მიზნისკენ სვლა.
სიმსივნისდროს სხეულის განსაზღვრული ტიპის უჯრედები შეუჩერებელ დაყოფას იწყებს და მიმდებარე ქსოვილებში ვრცელდება. ჭარბი წონა და სიმსუქნე ზრდის ზოგიერთი ტიპის კიბოს განვითარების რისკს. ესენია საყლაპავის, პანკრეასის, მსხვილი ნაწლავის, სწორი ნაწლავის, თირკმელის, ენდომეტრიუმის, საკვერცხეების, ნაღვლის ბუშტის, ძუძუს, ღვიძლის კიბო.
ჭარბი წონის შედეგად გამოწვეული პრობლემებთან ბრძოლის მთავარი პრინციპები ყველამ იცის: ჯანსაღი კვება და რეგულარული ფიზიკური დატვირთვა ის ორი იარაღია, რომელთა გონივრული გამოყენებით სასურველ შედეგს მივიღებთ. ამისთვის მარტივი მათემატიკური გათვლაა საჭირო: ნაკლები კალორიის მიიღება და მეტის დახარჯვა.
