ხალკიდიკი: დღეს ლუნა პარკში გარდაცვლილ 19 წლის ბიჭის საქმესთან დაკავშირებით 3 პირი დაიკითხება
ხალკიდიკი: დღეს ლუნა პარკში გარდაცვლილ 19 წლის ბიჭის საქმესთან დაკავშირებით 3 პირი დაიკითხება
ახსნა-განმარტების მიცემა მოუწევს ხალკიდიკში, ლუნა პარკში ტრაგიკული შემთხვევის შედეგად გარდაცვლილი ბიჭის საქმესთან დაკავშირებით 3 პირს, რომლებიც, გამოძიების ვარაუდით, პირდაპირ კავშირში არიან მომხდარ უბედურ შემთხვევასთან.
საუბარია ლუნა პარკის მფლობელზე, საბედისწერო ატრაქციონზე პასუხისმგებელ პირზე და მექანიკოსზე. პირველი ორი ახსნა-განმარტებას დღეს, ორშაბათს მისცემენ. ხოლო მექანიკოსთან შეხვედრა კი ოთხშაბათს, 2 ოქრომბერს არის ჩანიშნული.
აღნიშნული პირები დაიკითხებიან ექსპერტების დასკვნის საფუძველზე, რომელიც ლუნა პარკში არსებული ატრაქციონების და კერძოდ იმ საბედისწერო ატრაქციონის შემოწმებისას შედგა, რომელმაც 19 წლის ბიჭის სიცოცხლე იმსხვერპლა.
შეგახსენებთ, რომ ექსპერტიზის შედეგად დადგინდა, რომ საბედისწერო ატრაქციონი იყო თვითნაკეთი, მეორადი ნაწილებისგან აწყობილი, რომელიც უსაფრთხოების არცერთ სტანდარტს არ აკმაყოფილებდა.
ახსნა-გამარტების მიცემის პროცედურის დასრულების შემდეგ საქმის მასალები გადაეგზავნება ხალკიდიკის პირველი ინსტანციის პროკურორს, ბრალდების მხარეს.
